Hela ar dir tai’r boneddigion, golygfeydd cythryblus yn y senedd a byw bywyd bras yn Budapest: dyna’r cefndir i’r nofel afaelgar hon sy’n rhagweld datblygiadau ar gyfandir Ewrop. Mae’n feirniadaeth lem ar wamalrwydd y dosbarth breintiedig ac ynfydrwydd gwleidyddol, lle mae moesgarwch yn cuddio difaterwch a chreulondeb. Daw Abady yn ymwybodol o gyflwr criw o werinwyr Rwmanaidd o’r mynyddoedd, gan ddadlau dros eu hachos, tra mae Gyeroffy yn ofera ei adnoddau wrth fyrddau hapchwarae, gan estyn drych i ddirywiad yr ymerodraeth Awstro-Hwngaraidd.

Mae’r ail gyfrol yn adrodd hanes dau gefnder o Dransylfania, eu carwriaethau a’u ffawd. Adlewyrchu y newidiadau sy’n dryllio Canol Ewrop y mae’r drydedd a’r olaf.

Mae trioleg Bánffy yn cyferbynnu bywydau breintiedig a llygredigaeth gyda ffordd o fyw y gwerinwyr sy’n lleiafrif ac yn fewnfudwyr o Rwmania. Mae’n ddarlun heb ei ail o fyd aristocrataidd sy’n cau llygaid ar ddyfodol o ddinistr.